Викенд ручек: Сочни шпагети со грчки ќофтиња, во црвен сос

Овој превкусен рецепт е комбинација од италијанската и грчката кујна... Дали би го пробале уште денес?

sochni-shpageti-so-grchki-kjoftinja-vo-crven-sos-01.jpg

Подгответе вкусен ручек инспириран од грчката кујна (домашни ќофтиња од свинско и телешко месо) во комбинација со италијанската кујна (шпагети).

Сочно, прсти да излижеш.

Потребни состојки:

За ќофтињата:

400g говедско мелено месо
300g свинско мелено месо
1 црвен кромид, иситнет во блендер
3 чешниња лук иситнети во блендер
1 јајце
1 лажица свеж магдонос, ситно сечкан
1 свежо нане, ситно сечкано
150g бајат леб, натопен во млеко и исцеден
1 лажица црвен вински оцет
сол по вкус

За сосот од домати:

1 кромид, ситно исечкан
2 чешниња лук, рендани
1 лажица доматно пире
800g ситно сечкани домати
200ml црвено вино
2 лажички мелен ким
2 лажички шеќер
1 ловоров лист
сол и бибер по вкус

Начин на подготовка:

Соединете ги сите состојки за ќофтињата и оставете ја смесата да отстои во фрижидер еден час, а дури потоа обликувајте ги.
На маслиново масло пропржете ги кромидот и лукот додека не омекнат и замирисаат. Додајте го доматното пире и варете 1-2 минути, а потоа додајте го црвеното вино.
Во смесата додајте ги доматите, кимот, шеќерот, солта и ловоровиот лист, па оставете да се крчка на тивок оган 20-30 минути (или додека не се згусне).
Обликуваните ќофтињата ставете ги на плех подмачкан со масло.
Печете ги во рерна на 200 степени околу 20 минути. Кога ќе се испечат, ставете ги во сосот.
Во меѓувреме, сварете ги шпагетите според упатството на ќесичката.
Не ја истурајте целата вода од шпагетите, туку кога ќе ги споите тестенините и сосот со ќофтиња, додајте малку вода.
Мешајте внимателно за да не се распаднат ќофтињата. Послужете ги топли.

Видео постапка:

View this post on Instagram

А. Ј. | Црнобело

Би можело да ве интересира:

Шпагети со ракчиња во сос од домати - вкусен рецепт кој потсетува на лето и море Имате ли навика кога одите на море, барем еднаш да седнете во рибен ресторан или...

Сочно пилешко во сос од шери домати и спанаќ Ви се јаде нешто сочно, а дома имате пилешко, но не знаете на кој начин да го по...

Рецепт за крцкави тиквички како во грчка таверна - со сос од цацики Тенки, крцкави и златни, исто како тиквичките кои ги нарачувате во традиционални...