Рецепт за посен ориз со соја топчиња на мексикански начин
Мексиканската кујна не е многу застапена кај нас, но ако еднаш го пробате овој посен рецепт, ќе го готвите често.
Во текот на постите честопати не можете да се сетите што да зготвите. Или, сакате да направите нешто што не сте јаделе, но немате идеја што би било тоа.
Пробајте го овој рецепт за ориз со соја топчиња, сигурни сме дека ќе ви се допадне и ќе го готвите често.
Потребни состојки:
- ½ шолја долгнавест ориз
- ½ шолја сушени соја топчиња
- ¼ шолја ситно сечкани моркови
- ¼ шолја грашок (свеж или замрзнат)
- ½ лажичка ким
- 1 ловоров лист
- Бибер во зрно (по вкус)
- 1 мало стапче цимет
- 2-3 каранфилчиња
- 1 средно голем кромид, тенко исечкан
- 1 зелено чили пиперче, ситно сечкано (или лута пиперка, ако немате чили)
- ¼ лажичка куркума во прав
- 1 ¼ шолја вода
- Сол по вкус
- 1 лажица масло
- Ливчиња нане за украсување
Начин на подготовка:
- Измијте го оризот во 2-3 води и оставете го да отстои во сад со студена вода 15-20 минути.
- И топчињата соја ставете ги во сад со топла вода да отстојат 15 минути. По ова, тие ќе набабрат и ќе бидат скоро двојно поголеми. Истурете го вишокот вода и измијте ги под млаз вода.
- Во тава на среден оган загрејте го маслото, па додајте ги кимот, ловорот, циметот, каранфилчето и биберот. Кога ќе почнат да пукаат зрната ким, во тавата ставете ги исечканиот кромид и зеленото чили пиперче.
- Пржете ги сите состојки додека кромидот не стане проѕирен и стаклест.
- Во смесата додајте ги исечканите моркови и грашокот и динстајте околу 2-3 минути.
- Ставете го оризот (кој сте го исцедиле убаво), па додајте ги и топчињата соја и куркумата. Измешајте сè убаво, па оставете да се динста неколку минути.
- Прелијте го оризот со 1 ¼ шолја вода, па посолете по вкус и варете го на среден оган околу 10-12 минути, но важно е тавата да ја покриете со капак. Не го кревајте капакот додека се вари оризот, бидејќи ако го тргнете, пареата ќе ја снема, а оризот нема да се свари како што треба.
- По 10-тина минути исклучете го огнот, но оставете ја тавата на жешката рингла уште 6-7 минути.
- Откако ќе помнат 6-7 минути, дури тогаш тргнете го капакот од тавата, па со виљушка промешајте го оризот за да се раздвојат зрната. Украсете го со ливчиња нане и послужете го.
А. Ј. | Црнобело
Би можело да ве интересира:
Здрав посен десерт готов за 10 минути – кога ќе кризирате за благо
Додека постите, ако закризирате за нешто благо, ви требаат само три состојки за ...
Домашен ручек за почетници: Рецепт за ориз и пилешки копани во рерна
Ако не сте вешти во кујна, а сакате домашен ручек, овој рецепт ќе ви заврши рабо...
Без месење: Погача во форма на елка, полнета со моцарела и чили - за празничната трпеза
Лесен и вкусен рецепт за погача во форма на елка, која ќе ја збогати вашата праз...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Во кујна со Ангела: Рецепт за кочански сутлијаш – само со млеко, како што го правела мајка ѝ
„Јас сутлијашот го сакам само со млеко, не и со вода, тоа е оригинален рецепт, т...
Во кујна со Ксенија Деспотоска - Телешка чорба и домашно лепче, идеален оброк за цело семејство
„Нема ништо поубаво од неделните утра кога сите сме собрани заедно. Тие моменти ...
Препорачуваме
Најчитани неделава
