Нова верзија на рецептот на баба: Омилените божиќни гурабии со ванила и ореви
Се сеќавате на вкусните колачиња што буквално ви се топат во уста? Меки и полнети со ореви или лешници и валкани во шеќер од прав...
Во периодот пред новогодишните и божиќните празници, многумина сакаат да подготват вкусни колачиња, а нема ништо поубаво од оние чијшто мирис и вкус може да ве транспортира во минатото и да ве врати на трпезата на баба.
Гурабиите и ванилиците беа едни од омилените колачи некогаш, а овој рецепт е спој на двете. Меката кора на ванилиците е надополнета со вкусот на ореви и лешници со кои некогаш се полнеа гурабиите.
Како да ги подготвите?
Потребни состојки:
- 200g брашно;
- 125g путер (или маргарин);
- 70g шеќер во прав;
- 100g ореви или лешници (мелени);
- 1 ќесичка ванилин шеќер;
- 1 белка од јајце;
- шеќер во прав за валкање.
Начин на подготовка:
- Стопениот путер се става во длабок сад и се додава шеќерот во прав, па се мати со миксер додека да добиете кремаста смеса;
- Се додава белка од јајце, ванилин шеќер, мелени ореви или лешници и брашно и се замесува тесто;
- Тестото се собира во фолија и се остава во ладилник околу 1 час;
- Рерната се загрева на 180 степени;
- Тестото се дели на два дела, па од секој од деловите се сука тенка кора, околу 5mm, па се сечат тенки триаголници;
- Секој од триаголниците се обликува во форма на мала кифличка или месечинка и се става на претходно премачкан плех;
- Готовите гурабии се ставаат во плех да се печат на температура од 180 степени околу 12 минути;
- Откако ќе се испечат гурабиите се валкаат во шеќер во прав.
Б. С. Б. | Црнобело
Би можело да ве интересира:
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Рецепт за сочна штрудла со јаболка и цимет
Јаболка, цимет и путер - совршена есенска комбинација на која нема да можете да ...
Крцкави печени лепчиња со путер и лук
Ова јадење можете да го направите за појадок или вечера - ќе го обожава целото с...
Принцес ролат - побрза варијанта на принцес крофни
За сите љубители на принцес крофните имаме одличен рецепт за десерт - принцес ро...
Лесен и вкусен ролат полнет со варени јајца (кои сигурно ви останале по Велигден)
Се прави од готово лиснато тесто, а се полни со кашкавал, салама и варени јајца ...
Печени јаболки во лиснато тесто, полнети со ореви
Кога ќе споите јаболки, цимет и ореви, добивате совршен есенски вкус и мирис.
...
Препорачуваме
Најчитани неделава
