Рецепт за солена торта од палачинки
Дозволете си да експериментирате со вкусовите, па оваа солена варијанта на палачинките збогатете ја со вашите омилени зачини и додатоци.
Доаѓа период на слави, имендени и празници, а притоа секогаш е добра идеја да се проба нешто поинакво и вкусно. Покрај благата варијанта на палачинките, добро е да се пробаат и во солена комбинација, а со нив можете да експериментирате со вашите омилени вкусови, а тие секако ќе бидат одлични.
За подготовка на следниов рецепт ќе ви требаат околу 45 минути, а од овие состојки ќе добиете солена торта доволна за 7 лица.
Потребни состојки:
- 125g брашно
- 2 јајца
- 400ml млеко
- 50g путер
- 400g пилешко месо
- 1 главица кромид
- Ловоров лист
- Бибер
- 1 чешне лук
- 1g пипер
- 1 домат
- 150g кашкавал
Начин на подготовка:
- Во еден сад изматете ги јајцата, брашното и малку сол. Потоа додајте го млекото и 20 грама стопен путер. Оваа смеса е доволна за да се испржат 12 палачинки.
- За да направите фил најпрво изрендајте го кромидот и запржете го.
- Додајте го месото. Зачинете ја смесата со сол, рендан домат, чешне лук, зрна бибер, пипер и ловоров лист.
- Додајте малку вода. Варете го месото додека не остане само на масло.
- Земете поголема чинија и наредете ги палачинките, а помеѓу нив ставајте фил наизменично – палачинка, па фил, па палачинка, сè додека не ги потрошите сите, а завршете со палачинка.
- Истурете го преостанатиот стопен путер и посипете со рендан кашкавал.
- Пред да ја сервирате, запечете ја кратко во рерна.
М. Ѓ | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Рецепт за највкусните домашни крофни – сите ќе бараат уште
Ако сте гурман, но и со вешти раце, тогаш вреди да го пробате овој рецепт за вку...
Препорачуваме
Најчитани неделава
