Оригинален италијански рецепт за шпагети карбонара - ќе се заљубите во специфичниот вкус
На шпагетите карбонара во 2000-та година им беше посветен и филм, насловен La Carbonara во режија на Луиџи Магни.
Љубителите на италијанската кујна ги издвојуваат шпагетите карбонара како највкусното јадење кое истовремено е и едноставно за подготовка, но и многу хранливо, со силен и специфичен вкус.
Некои кулинарски историчари сметаат дека овој рецепт е измислен во Рим, а дека името го добил по градот Карбонија.
Но, веќе не е потребно одите во скапи италијански ресторани за да го вкусите овој оригинален рецепт. Можете да го подготвите дома самите.
Потребни состојки:
- 200g шпагети
- 2 жолчки
- 100g исечкана сланина
- 200ml слатка павлака
- 40g рендан пармезан
- 50g рендан тврд кашкавал
- 1 лажичка црн пипер
- 2 чешниња лук
- 1 лажица маслиново масло
- 1 лажичка сол
- 1 лажица сечкан магдонос
Начин на подготовка:
- Најпрво ставете ги шпагетите да се варат во солена вода, додека не омекнат.
- Додека се варат шпагетите, започнете со подготовка на останатите состојки.
- Измијте го и исечкајте го магдоносот. Измешајте ги жолчките со слатката павлака, солта и биберот, па додадете го магдоносот.
- Додадете ги ренданиот пармезан и кашкавалот, убаво измешајте, па оставете ги на страна.
- Исечкајте ја сланината.Загрејте една лажица масло на средна температура, па додадете ја сланината да се пржи. Внимавајте да не загори и мешајте додека не поцрвени.
- Потоа, додадете ги ситно исечканите чешниња лук. Кога сланината ќе стане крцкава, тргнете ја од оган.
- Врз жешките шпагети, кои сте ги исцедиле од водата (тргнете малку од водата на страна), ставете ја топлата сланина и прелијте ги со изматениот прелив од жолчки и рендан пармезан.
- Додадете малку од водата во која ги варевте шпагетите со цел да добиете кремаста смеса.
- На овој начин жолчката ќе биде термички обработена и безбедна за јадење. Сирењето ќе се стопи и ќе добиете вистинска кремаста текстура.
- Послужете ги веднаш.
В. К. | Црнобело
Би можело да ве интересира:
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Рецепт за баклава полнета со Нутела и лешници – најдобрата што ќе ја пробате
Традиционална баклава, но полнета со многу Нутела и ситно сечкани лешници – веро...
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за највкусните домашни крофни – сите ќе бараат уште
Ако сте гурман, но и со вешти раце, тогаш вреди да го пробате овој рецепт за вку...
Препорачуваме
Најчитани неделава
