Рецепт за турски ѓевречиња меки како душа

Овие турски ѓевречиња уште се познати и како ачми, а може да ги подготвите и со најразлични полнежи внатре.

Основното тесто се подготвува многу лесно, а може да ги направат и почетници во кујна.

Како да ги подготвите?

Потребни состојки:

250ml млеко (млако);
150ml вода (млака);
150ml сончогледово масло;
½ лажиче сол;
2 големи лажици шеќер;
1 пакетче сув квасец;
1 белка од јајце;
700g брашно;
По 1 лажиче омекнат путер за секоја ачма;
1 жолчка од јајце;
Сусам.

Начин на подготовка:

Во длабок сад се става млеко, вода, масло, сол, шеќер и се мешаат добро;
Потоа се додава квасец, белка од јајце и полека се додава брашно, па се замесува меко тесто;
Тестото се прекрива и се остава да нарасне околу 45 минути;
По ова, тестото се става на работна површина и се дели на 12 топчиња, па се става по една лажичка путер на секое топче;
Од секое топче се прави по една кифла, која се истегнува и од неа се формира ѓеврече;
Рерната се загрева на температура од 170 степени Целзиусови;
Ѓевречињата се ставаат на плех обложен со хартија и се оставаат прекриени со крпа да стасаат околу 20 до 30 минути;
Ѓевречињата се премачкуваат со разматено јајце и се посипуваат со сусам, па се ставаат да се печат околу 25 до 30 минути или додека да станат златно кафеави;
Откако ќе се испечат, може да се прекријат со крпа уште 10 до 15 минути за да станат уште помеки.

Видео упатство:

View this post on Instagram

Б. С. Б. | Црнобело

Би можело да ве интересира:

3 посни рецепти без масло - вкусни јадења за божиќниот пост Брза пита од компири и праз, мусака со печурки, чорба со зелка - овие три рецепт...

Мек колач со малини, вкус кој потсетува на детството кај баба Потсетува на колачот со вишни што ви го подготвуваа бабите, но иако не е потполн...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...