Рецепт за пита со јаболка како од McDonald’s
Доволно е да прочитате „пита со јаболка од McDonald’s“ и веднаш во устата да го почувствувате препознатливиот вкус.
Малку јаболка, лиснато тесто и неколку зачини... Сега, вкусната пита по теркот на онаа од McDonald’s можете да ја направите и сами дома.
Пробајте, нема да зажалите.
Потребни состојки:
- 1 пакување лиснато тесто
- 2 средни јаболка
- 60g шеќер
- 1 лажичка цимет
- 1 лажичка ванила
- 2 лажици сок од лимон
- 30g путер
- Прстофат сол
- 1 лажица нишесте
- 1 лажица вода
За премачкување:
- 1 белка од јајце
- 1 лажица шеќер
- 1 лажичка цимет
Начин на подготовка:
- Излупете ги јаболката и пресечете ги на коцки.
- Ставете ги во тава да се пропржат заедно со шеќерот, циметот, ванилата, сокот од лимон, солта и путерот.
- Кога ќе омекнат јаболката, во смесата додајте и микс од 1 лажица нишесте со 1 лажица вода.
- Расукајте го лиснатото тесто и пресечете го на ленти.
- Секоја лента до пола наполнете ја со филот од јаболка, но оставете доволно простор на тестото да го премачкате со малку вода, па преклопете.
- Со виљушка поминете преку рабовите на штрудлите, па премачкајте ги со изматената белка.
- Со нож пресечете ги на 3-4 места штрудлите и на крај наросете ги со смесата од шеќер и цимет.
- Печете ги во загреана рерна на 180 степени околу 15-20 минути.
Видео постапка:
А. Ј. | Црнобело
Би можело да ве интересира:
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Мрсна торта со вкус на тиква – домот ќе ви мириса како кај баба на гости
Традиционалните мрсни торти секогаш ни будат доза носталгија од деновите поминат...
Рецепт за сочна штрудла со јаболка и цимет
Јаболка, цимет и путер - совршена есенска комбинација на која нема да можете да ...
Принцес ролат - побрза варијанта на принцес крофни
За сите љубители на принцес крофните имаме одличен рецепт за десерт - принцес ро...
Лисната пита со крушки и цимет - одличен зимски десерт
Додека трае сезоната на круши, лесно и брзо можете да подготвите еден поинаков д...
Зимски колач со јаболка и сладолед - се топи во уста
Ако еднаш го пробате овој колач, ќе го подготвувате и за себе и за кога ќе ви се...
Препорачуваме
Најчитани неделава
