Омилениот сладолед на Дуа Липа е хит на ТикТок – ванила со маслиново масло и сол

Го пробавте ли новиот кулинарски тренд? Комбинацијата за сладолед по рецепт на Дуа Липа стана хит на интернет.

Најновиот кулинарски тренд на ТикТок се базира на сладолед од ванила во кој се додаваат две клучни состојки: маслиново масло и крупна морска сол.

Комбинацијата најпрво се најде на насловните страници на многу магазини, откако светски познатата пејачка Дуа Липа, во интервјуто за BBC Radio 1 минатиот ноември изјави дека тоа ѝ е омилена комбинација.

„Мислам дека чоколадниот сладолед не е толку добар. Но, знаете што ми се допаѓа? Многу е едноставно: земам сладолед од ванила и врз него ставам маслиново масло и морска сол.

Многу луѓе веќе ја пробаа оваа комбинација и навистина им се допадна“, изјави поп ѕвездата.

@naraazizasmith

elite combination!! #snacks #latenightsnack #treat #dessert #vanillaicecream #icecream #fypシ

♬ original sound - Nara Smith

Комбинацијата наиде на различни реакции кај публиката, но постои многу одамна, иако на Тик Ток е прилично нова.

Точното потекло на десертот не може да се најде, но се смета дека влече корени од богатата традиција на медитеранската кујна.

@anna.antonje

but I would definitely prefer chocolate sauce lol

♬ Originalton - anna

Во Италија, gelato con olio e sale (сладолед со маслиново масло и морска сол) е популарен десерт години наназад. 

На американската јавност ѝ бил претставен на почетокот на 2000-тите кога њујоршкиот бренд „Big Gay Ice Cream“ почнал со послужување сладолед од своите камиони.

Денес во неколку ресторани во Њујорк можете да уживате во сладолед со маслиново масло и морска сол. 

@thehealthyhaff

hear me out: vanilla ice cream, olive oil, and flaky salt - don’t knock it til you try it 🫒

♬ ylang ylang - ´

С. Ш. | Црнобело