Викенд мезе: Мини тортиљи со пилешко и зеленчук по турски рецепт

Мини пилешките тортиљи по турски рецепт се вистински деликатес кој мора да го пробате.

mini-tortilji-so-pileshko-i-zelenchuk-po-turski-recept-01.jpg

Ако сте љубител на турската кујна, тогаш овој брз и едноставен рецепт сигурно ќе се најде на вашето мени.

Потребни состојки:

1 пакување тортиљи
2 средно големи парчиња пилешки гради
2 чешниња лук
Сок од 1 лимон
Малку масло
2 главици кромид
1 црвена пиперка
1 зелена пиперка
1 лажица црвен пипер во прав
1 лажица кари
Сол и бибер по вкус
½ лажица коријандер
Малку мелен ким
5-6 парчиња кашкавал
150-200g рендан или ситно сечкан кашкавал (или моцарела)

Начин на подготовка:

Пилешкото исечете го на ситни коцки и маринирајте го во сок од лимон и лук кој сте го исекле ситно. Ова можете да го направите и од вечер или неколку часа претходно.
Секоја тортиља исечете ја на помали тркалца (од 1 тортиља да добиете 2 до 4 мини тортиљи, зависно големината).
На тава загрејте малку масло, па ставете го пилешкото. Штом малку се пропржи додадете го кромидот кој ќе го исечкате на резанки, заедно со пиперките (исто така исечкани на резанки) и сите зачини.
Убаво промешајте за да се спојат состојките, па оставете ги месото и зеленчукот да прокрчкаат во тавата, поклопени со капак.
Кога ќе бидат скоро готови, најгоре ставете неколку парчиња кашкавал кој лесно се растопува (како на видеото).
Тргнете ја смесата на страна, па почнете да ги полните тортиљите и да ги редите во тава за печење, која претходно сте ја премачкале со малку масло.
Кога ќе ги ставите сите тортиљи во тавата за печење, наросете ги со рендан кашкавал или моцарела.
Печете ги околу 20-25 минути во рерна загреана на 200 степени (или додека да се стопи кашкавалот и малку да зацрвени).
Послужете ги топли.

Видео постапка:

View this post on Instagram

А. Ј. | Црнобело

Би можело да ве интересира:

Рецепт за брзи и крцкави банички со месо, од готови кори Секако дека нема да бидат исти како оригиналните со сукани и домашно подготвени ...

Рецепт за лесен и вкусен колач со јагоди, како кај баба на гости Рецепт за колач кој потсетува на детството, од кој цела куќа ќе ви замириса на п...

Рецепт за две вкусни крем салати – идеални за претстојните мрсни слави Доколку славите Митровден или друг празник во периодот до божиќните пости, имаме...

Рецепт за сочен домашен ручек – печено свинско филе со компири Сигурно се сеќавате на вкусните ручеци кај баба и мирисот од рерна додека се под...

Рецепт за крцкави пица-стапчиња, за кои не треба да месите тесто Наскоро почнува периодот на слави, па овие пица стапчиња можете да ги подготвите...

Рецепт за крцкави тиквички како во грчка таверна - со сос од цацики Тенки, крцкави и златни, исто како тиквичките кои ги нарачувате во традиционални...