Направете домашно тесто за пица, исто како од ресторан
Тестото за пица што се подготвува во ресторан има една тајна состојка... Како да го подготвите во домашни услови, а да е совршено?
Домашното тесто за пица се подготвува лесно, иако за да добие совршениот крцкав вкус како од ресторан, треба да имете малку трпение додека да „стаса“.
Но, има и тајна состојка, која можеби ќе ве изненади.
Потребни состојки:
- 300ml млака вода
- ½ лажичка сув квасец
- 1 лажичка мед
- ½ лажица сол
- 420g брашно
Начин на подготовка:
- Во садот со топла вода ставете 1 лажичка мед и убаво мешајте за да добиете хомогена смеса. Во неа ставете го квасецот и оставете да отстои 5 минути (не мешајте).
- Во длабок сад ставете 420g брашно и малку сол. Откако квасецот ќе отстои во водата со мед, измешајте ги двете состојки, па додадете ги во брашното.
- Месете го тестото додека да стане мазно и да не ви се лепи на рацете. Покријте го садот со проѕирна фолија (или ставете го во ќеса) и оставете го да отстои барем 4-5 часа.
- Кога ќе нарасне, префрлете го на набрашнета работна површина, тегнете го и премесете го уште еднаш.
- Со рацете формирајте го тестото во форма на векна леб, па пресечете го на две еднакви половини.
- Секоја половина превиткајте ја со рацете по 8 пати (на крајот треба да добиете форма на топче).
- Двете топчиња ставете ги во два сада и повторно покријте ги со проѕирна фолија или со ќеса, па ставете ги во фрижидер. Најдобро е тестото да остане во фрижидерот преку ноќ.
- Кога тестото ќе биде доволно цврсто, извадете го од фрижидер, па развлечете го со сукало до посакуваната дебелина.
- Врз него ставете ги состојките за пица кои ги сакате и печете во претходно загреана рерна.
А. Ј. | Црнобело
Би можело да ве интересира:
Ручек готов за 30 минути: Печени компири со зачин и лосос со неодолив вкус
Компирите се варат и добро се зачинуваат, лососот се сечка на коцки и се меша со...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Во кујна со Марјан од Скопје: Домашни кифлички по рецепт на неговата мајка
„Уште од мал, гледајќи ја мајка ми како меси и прави разни ‘лудории’ во нашиот о...
Посно гравче со спанаќ и домати - вкусен ручек што ќе го обожаваат сите
Постојат две опции да го подготвите овој рецепт - првата е да го оставите гравче...
Вкусна пита со боровинки и лимон
Без оглед дали ќе ја правите со свежи или замрзнати боровинки, оваа пита ќе има ...
Препорачуваме
Најчитани неделава
