Кремаста торта со ф’стак и чоколадо - совршен есенски десерт

Доволен е еден залак од овој кремаст десерт да се заљубите во вкусот кој е комбинација од чоколадо и ф'стаци...

kremasta-torta-so-f-stak-i-chokolado-sovrshen-esenski-desert-01.jpg

Есента носи нови вкусни задоволства, а меѓу нив е и храната.

Па, ако сте љубител на десертите со вкус на ф’стак, тогаш мора да ја пробате оваа торта.

Потребни состојки:

За чоколадната основа:

85g несолен путер
100g шеќер
30g кафеав шеќер
2 јајца
80g брашно
25g какао
100g темно чоколадо (со околу 60% какао)
¼ лажичка сол

За филот од ф'стаци:

400г крем сирење
300g крем од ф'стаци
30g брашно
200ml шлаг крем
1 лажица екстракт од ванила
3 големи јајца
2 лажици шеќер

Начин на подготовка:

Најпрво подгответе го тестото. Ставете хартија за печење во калап за торти со големина 20cm (на кој се вади дното) и премачкајте ја со путер.
Во длабок сад ставете ги темното чоколадо и путерот и растопете ги во микробранова печка, па тргнете ги на страна.
Во друг сад ставете ги јајцата, шеќерот (белиот + кафеавиот) и екстрактот од ванила, па матете околу 4-5 минути со миксер за да добиете кремаста смеса.
Додадете го стопениот путер со чоколади и спојте ја смесата со шпатула, со благо преклопување.
Просејте ги брашното и какаото, па додадете ги претходно подготвената чоколадна смеса. Повторно мешајте со шпатула.
Истурете ја смесата во подготвениот калап за печење, па ставете ја во грижидер додека го подготвувате слојот од ф’стаци.
Во длабок сад ставете го крем сирењето и кремот од ф'стаци и мешајте со миксер.
Кога ќе се соединат, додадете ги јајцата, екстрактот од ванила и брашното што сте го просеале.
На крајот во смесата ставете ги шеќерот и шлаг кремот, па повторно измешајте додека не се соедини и изедначи целата смеса.
Извадете го калапот со чоколадната основа од фрижидер и врз неа истурете го кремот од ф'стаци (преку сито).
Печете во загреана рерна на 230°C, околу 25 минути, но внимавајте да не ви загори или да се препече - тортата треба да е мека внатре, а запечена само однадвор.
Оставете да се излади половина час, па покријте ја со фолија и оставете ја во фрижидер преку ноќ.
Пред да ја послужите, извадете ја од фрижидер и оставете ја барем 10 минути на собна температура за да омекне и стане кремаста, а дури потоа јадете ја.

Видео постапка:

View this post on Instagram

А. Ј. | Црнобело

Би можело да ве интересира:

Кремаста и сочна Барон торта, со многу чоколадо и малини Слаткиот вкус на чоколадо во комбинација со кисели малини ја става Барон тортата...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...

Лазањи со спанаќ и сочно пилешко - полесна верзија на ручекот што го обожавате Ова лесно јадење брзо ќе ве засити, но нема да сакате да престанете по само едно...

Рецепт за оригинална грчка бугаца - Крцкава, сочна и полна со фил од гриз Не е класична блага пита, а е едно од омилените печива за појадок на Грците. Сте...

Лиснати кроасани со крем од ф’стаци - По првиот залак ќе барате уште Кремот од ф’стаци последниве години се користи во многу различни рецепти, а мног...