Традиционален рецепт за подготовка на охридско макало со лук
На нашите баби им требало по час и половина за да го подготват традиционалното макало, но вие можете да искористите сечко или рачен блендер…
Охридското макало со лук е еден од најпознатите традиционални специјалитети, што вообичаено се служи во рестораните со риба.
Се подготвува од само 4 состојки, а за да го направите на традиционален начин ќе ви треба околу час и половина.
На Јутјуб каналот BBQ Brothers, се споделуваат голем број рецепти за традиционални македонски специјалитети, а објавено е и видео на кое се гледа како се подготвува Охридско макало по традиционален рецепт.
Охридското макало е идеален додаток за риба, рибја чорба или за други јадења, а вие можете да го подготвите на традиционален начин со аван и толчник, или пак во сечко, а тајната е во тоа што маслото треба да се додава капка по капка, како кога се прави мајонез.
Како да го подготвите макалото?
Потребни состојки:
- 4 главици лук;
- 2 лажици сол;
- 400-600ml масло за јадење;
- 100ml оцет.
Начин на подготовка:
- Чешнињата лук се лупат и се ставаат во аван;
- Им се додава солта и се толчат со толчник;
- Кога ќе се изгмечат лукчињата прво се додаваат три лажици масло и се толчи лукот уште малку;
- Потоа се додава остатокот од маслото, но буквално тоа треба да биде капка по капка, како за мајонез;
- Кога макалото ќе се згусне, полека се додава оцетот и се меша додека да се добие изедначена смеса;
- За да го подготвите макалото со толчник и со аван ќе ви требаат околу час и половина;
- Истото можете да го подготвите со сечко, или со рачен блендер, постапката е иста, но нема да мора да го толчите лукот рачно.
Видео упатство:
Б. С. Б. | Црнобело
Би можело да ве интересира:
Препорачуваме
Најчитани неделава
