Рецепт за пилешко полнето со печурки и пармезан

Ако досега не сте зготвиле пилешки гради на овој начин, пробајте ги веднаш - нема да згрешите.

recept-za-potpecheno-pileshko-so-pechurki-i-parmezan-01.jpg

Дома имате пилешко и печурки, но немате идеја каков ручек да направите?

Со овој рецепт за кратко време можете да подготвите вкусно јадење кое ќе им се допадне на сите.

Вкусот е пикантен и уникатен, а самиот начин на кој се сервира пилешкото е одличен за да можете да им го послужите и на гостите, не само на домашните.

Потребни состојки:

2 големи парчиња пилешки гради
2 големи главици кромид
400g печурки
1 лажица мелен бибер
Малку сол
80g путер
150g пармезан

Начин на подготовка:

Пилешките гради пресечете ги по должина на 3 резанки (како на видеото), па со толчник истенчете ги.
Кромидот исечкајте ги ситно и препржете го заедно со печурките, кои се, исто така, исечкани на тенки резанки.
Ставете мелен бибер и посолете по вкус.
Кога смесата ќе биде готова, тргнете ја на страна.
Секое парче пилешко месо (треба да имате 6 парчиеа) ставете го во кутлача, па внатрешноста наполнете ја со смесата од кромид и печурки.
Преклопете го пилешкото, па секое полнето парче ставете го во тава која сте ја обложиле со хартија ја печење.
Во тавче стопете го путерот, па додека е жежок, со него прелијте ги полнетите пилешки гради.
Секое парче најгоре наросете го со малку пармезан.
Печете околу 35 минути на 200°С, а потоа послужете ги топли.

Видео постапка:

View this post on Instagram

А. Ј. | Црнобело

Би можело да ве интересира:

Рецепт за шпагети со кремаст и сочен сос од шери домати, лук и пармезан Ако сте љубител на паста со лесни, но кремасти и сочни сосови, ова е идеален рец...

Сочно пилешко во сос од шери домати и спанаќ Ви се јаде нешто сочно, а дома имате пилешко, но не знаете на кој начин да го по...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...