Кремаста салата со крцкави компири и сланина

Не сте љубител на мајонез и се нервирате кога ќе ве послужат со сочна салата во која има мајонез? Овој рецепт за вкусна, кремава салата без мајонез, има богат вкус во кој ќе уживате.

kremasta-salata-so-kompiri-i-slanina-bez-majonez-idealna-za-obrok-ili-dodatok-na-jadenjeto-01.jpg

Оваа салата е лесна за подготвување. Брзо се прави, а уште побрзо се јаде.

Одлична е и како оброк и како додаток во јадењето.

Како да ја подготвите?

Потребни состојки:

1kg компир (помали парчиња)
1 лажица маслиново масло
2 чаши грчки јогурт
4 чешниња лук, испасирани
Кора и сок од 1 лимон
⅓ китка ситно сечкан копар
6 краставички (средна големина) ситно исечкани (или 2 големи краставици)
8 парчиња сланина, исечкана на коцки и пропржена
⅓ шолја власец, ситно исечкан
½ лажичка морска сол
½ лажичка мелен бибер

Начин на подготовка:

Најпрво измијте ги убаво компирите па сварете ги со лушпа.
Извадете ги од водата и оставете ги да се изладат на крпа (за да се впие вишокот вода).
Загрејте ја рерната на 220°С. Обложете го плехот со хартија за печење и префрлете ги компирите врз хартијата.
Со дното на чаша згмечете ги, па премачкајте ги со маслиново масло, а потоа посипете ги со морска сол и мелен бибер.
Печете ги околу 45-50 минути, превртувајќи ги од една на друга страна кога ќе помине половина од времето (за да се испечат рамномерно) и да бидат златни и крцкави.
Додека се ладат компирите, во длабок сад измешајте ги грчкиот јогурт, испасираниот лук, кората од лимон, сокот од лимон, власецот и копарот.
Потоа додадете ја исечканата и препржена сланина, краставиците и изладените крцкави компири.
Измешајте уште еднаш за да се соединат состојките, но правете го тоа нежно за да не се скршат компирите.