Викенд десерт: Рецепт за бајадера торта што не се пече

За да ја подготвите оваа вкусна торта ќе ви биде потребно само да ги изматите филовите, а ќе имате десерт од којшто сите ќе побараат уште едно парче.

vikend-desert-recept-za-bajadera-torta-shto-ne-se-peche-01.jpg

Оваа вкусна бајадера торта се состои од неколку различни филови, што се подготвуваат само со матење.

Се подготвува брзо и веруваме дека ќе ви стане еден од омилените брзи рецепти за десерти.

Потребни состојки:

За кора

300g мелени бисквити;
130g стопен путер;
135ml млеко;
50ml слатка павлака;
150g чоколада.

За фил 1:

500ml млеко;
2 кесички крем пудинг од ванила (што не се вари);
125g путер;
100g мелени ореви;
100g мелени бисквити.

За фил 2:

500ml млеко;
2 касички крем пудинг од чоколада (што не се вари);
125g путер;
150g стопена чоколада;
100g мелени бисквити.

За глазура:

150ml слатка павлака;
100g чоколада.

Начин на подготовка:

Бисквитите, стопениот путер и млекото се мешаат со миксер и од нив се обликува тенка кора;
Слатката павлака се става во тенџере ѝ ѝ се додава чоколадата;
Се варат, со мешање, на тивок оган додека чоколадото да се стопи;
Добиената смеса се прелева врз кората од бисквити и се оставаат во ладилник;
Во длабок сад се става млекото и пудингот од ванила, па се мати додека не се добие изедначена смеса;
Се додава путерот и се мати, па на крај се додаваат мелените ореви и бисквити и се меша со шпатула;
Постапката се повторува и со пудингот од чоколада;
Врз кората се става прво филот од ванила, па потоа и филот од чоколада;
Тортата се враќа во ладилник, додека да ја подготвите глазурата;
Глазурата се прави така што слатката павлака и чоколадото ги загревате додека да се соединат;
Тортата ја прелевате со глазурата и ја оставате во ладилник најмалку 2 часа да се стегне.

Видео упатство:

View this post on Instagram

Б. С. Б. | Црнобело

Би можело да ве интересира:

Кисели пиперки со павлака - Вкусна зимница готова за 20 минути Пиперките во павлака се едно од оние јадења кои многу семејства со задоволство г...

Лесно мезе: Крцкави „такоси“ од модри домати со крем сирење Нов начин како да направите летно мезе со модри домати, кое е вкусно, а во исто ...

Рецепт за оригинална грчка бугаца - Крцкава, сочна и полна со фил од гриз Не е класична блага пита, а е едно од омилените печива за појадок на Грците. Сте...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...

Здрав посен десерт готов за 10 минути – кога ќе кризирате за благо Додека постите, ако закризирате за нешто благо, ви требаат само три состојки за ...