Два рецепта за сочно роловано пилешко во Air Fryer
Постојат многу различни начини на кои можете да подготвите пилешко, а меѓу нив е и ролованото пилешко во пршута, со разни додатоци...
За вкусовите на храна не се разговара, нели? Но кога е во прашање подготовката на пилешкото филе, тогаш некаде на самиот врв на листата „најдобри рецепти“ е ролованото полнето пилешко месо.
Овој пат, ви нудиме два различни рецепти за пилешко роловано во пршута, кои се подготвуваат брзо, а месото се пече во Air Fryer.
Пилешко со спанаќ
Потребни состојки:
- 2 поголеми парчиња пилешки гради
- 8 тенки резанки пршута
- Малку рендан пармезан
- Сол, бибер, грчки зачини со лук
- 400g спанаќ
Начин на подготовка:
- Парчињата пилешко филе пресечете ги по должина на половина.
- На работна површина ставете 2 парчиња пршута (можете сланина, ако сакате повеќе) малку да се преклопуваат едно со друго.
- Врз нив ставете го пилешкото, па додадете ги зачините - солта, биберот и грчкиот зачин со лук, па најгоре наросете малку рендан пармезан.
- Спанаќот ставете го 30-тина секунди во жешка вода што врие, па тргнете го на страна и исцедете го убаво од течноста.
- Поделете го на 4 еднакви дела и ¼ од спанаќот ставете го врз пармезанот.
- Свиткајте го во вид на ролат, па фиксирајте го со дрвени стапчиња за „увијачи“.
- Повторете ја постапката со останатите 3 парчиња пилешко филе.
- Печете во Air Fryer 20 минути на 200 степени (или на програмата за пилешко), а ако треба извадете ги малку порано или печете уште неколку минути додека да се зацрвени пршутата, а пилешкото да е меко.
Видео постапка:
Пилешко со моцарела
Потребни состојки:
- 1 поголемо парче пилешки гради
- 4 тенки резанки пршута
- 2 лажици песто
- Сушен мариниран домат
- 1 топка моцарела
- Неколку ливчиња свеж босилек
Начин на подготовка:
- Парчето пилешко филе пресечете го по должина на половина.
- На работна површина ставете 2 парчиња пршута (можете сланина, ако сакате повеќе) малку да се преклопуваат едно со друго.
- Врз нив ставете го пилешкото, па премачкајте го со 1 голема лажица песто сос.
- Преку тоа ставете неколку парчиња сув мариниран домат.
- Моцарелата пресечете ја на половина и ставете ја врз доматите.
- Најгоре ставете 2-3 ливчиња свеж босилек, па свиткајте го пилешкото во вид на ролат.
- Повторете ја постапката и со второто пилешко филе.
- Печете во Air Fryer 20 минути на 200 степени (или на програмата за пилешко), а ако треба извадете ги малку порано или печете уште неколку минути додека да се зацрвени пршутата, а пилешкото да е меко.
Видео постапка:
А. Ј. | Црнобело
Би можело да ве интересира:
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Сочно пилешко во сос од шери домати и спанаќ
Ви се јаде нешто сочно, а дома имате пилешко, но не знаете на кој начин да го по...
Торта со пудинг, јагоди и банани - готова за 10 минути
Ако не можете да почекате тортата да се излади и стврдне за да ја пресечете на п...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Кисели пиперки со павлака - Вкусна зимница готова за 20 минути
Пиперките во павлака се едно од оние јадења кои многу семејства со задоволство г...
Вкусна пита со боровинки и лимон
Без оглед дали ќе ја правите со свежи или замрзнати боровинки, оваа пита ќе има ...
Препорачуваме
Најчитани неделава
