Брзи празнични колачи со кои ќе ја разубавите новогодишната трпеза
Без оглед дали за празничните денови ќе бидете сами, со семејството или ќе имате гости, трпезата ќе биде многу повпечатлива и „посреќна“, ако на неа принесете и колачиња направени во новогодишен стил.
Освен што новогодишната вечер не може да помине без само руска, кифлички и вкусна храна по ваш избор, сигурно сакате трпезата да ви биде и убаво украсена.
А за тоа, во голема мера може да придонесат колачињата направени во празничен дух (елки, ѕвездички, еленчиња и слично), кои ќе ја разубават.
На овие колачиња најмногу ќе им се радуваат најмладите, ама веруваме дека ни возрасните нема да останат имуни.
Ова се 6 типа празнични колачи, со кои ќе ја разубавите новогодишната трпеза (без оглед дали се само за вас или ќе ви дојдат гости).
Еленчиња од Орео колачи
Потребни состојки:
- 1 млечно чоколадо
- 1 пакување Орео колачи
- Црвени M&M бонбони
- Бели M&M бонбони
- Переци
- Дрвени стапчиња за сладолед
Начин на подготовка:
- Стопете го чоколадото и ставете го во мал длабок сад.
- Во средината на секое Орео колаче ставете стапче за сладолед, па потопете го во стопеното чоколадо.
- Переците поделете ги на половина, па ставете ги врз чоколадното Орео (за да претставуваат рогови на еленот).
- На крајот ставете едно црвено бонбонче на средината (на местото на носот) и две бели бонбони за очите.
- Зениците можете да ги направите со стопеното чоколадо (на пример со чепкалка да ставите по една чоколадна капка во средината на бонбончето).
- Украсете ги со машничка (може да најдете во поголемите маркети или специјализирани продавници), па наредете ги во чинија и послужете ги.
Видео постапка:
Дедомразовски капи
Потребни состојки:
- 150g Орео колачи
- 60g слатка павлака
- Црвен гел за храна (или боја во порав)
- 300g бело чоколадо
- 50g кокос
- Мини манчмелоу (или обични кои ќе ги исечете на помали парченца)
Начин на подготовка:
- Во процесор за храна сомелете ги орео колачињата (или ставете ги во кеса и издробете ги со толчник, но да бидат многу ситни).
- Додајте ја слатката павлака и спојте ги двете состојки за да добиете компактна смеса.
- Направете топчиња кои со рацете ќе ги обликувате во вид на конус.
- Стопете 250g од белото чоколадо, па во него додајте ја црвената боја.
- Секое колаче ставете го во црвената чоколадна смеса, а потоа ставете ги во фрижидер околу половина час да се стегнат.
- Останатите 50g бело чоколадо стопете ги и ставете ги во длабок сад.
- Долниот дел од колачето ставете го во белото чоколадо, па во кокос.
- Манчмелоуто исечете го на мали парчиња, потопете го во бело чоколадо и извалкајте го во кокос.
- На врвот на секое ставете по малку бело чоколадо, па врз него подготвеното манчмелоу со кокос, за да го добиете врвот на капата.
Видео постапка:
Лиснати ѕвездички со Тофифи бонбони
Потребни состојки:
- 1 пакување лиснато тесто
- 1 кутија Тофифи
- 1 јајце за премачкување
- 50g стопено чоколадо
- 50g кршени лешници
Начин на подготовка:
- Развлечете го лиснатото тесто и на едната половина наредете ги Тофифи бонбоните, па втората половина префрлете ја врз нив (како во видеото).
- Со калап за ѕвезди, направете колаче од секоја бонбона.
- Премачкајте со јајце и ставете да се печат на 180 степени.
- Кога ќе заруменат, извадете ги и ставете да се оладат.
- Во меѓувреме стопете го чоколадото и искршете ги лешниците.
- Врз секоја ѕвезда, со лажичка ставете малку чоколадо, па наросете од лешниците.
Видео постапка:
А. Ј. | Црнобело
Би можело да ве интересира:
Препорачуваме
Најчитани неделава
