Рецепт за божиќни путер колачиња

Внесете ја празничната магија во вашиот дом и нека замириса на превкусни путер колачиња - лесно се прават, а имаме рецепт и за глазура за декорации.

Доколку сакате сами да си подготвите божиќни путер колачиња, не се двоумете, бидејќи се прават многу лесно.

Потребни ви се соодветни калапи со новогодишни форми и добро расположение, во празнична атмосфера.

Потребни состојки:

За колачиња:

230g несолен путер, на собна температура
100g шеќер
1 големо јајце
1 лажица екстракт од ванила
360g сенаменско брашно
½ лажица прашок за печиво
½ лажичка сол (ако путерот е несолен)

За глазура:

3 белки од јајце
450g шеќер во прав
1 лажица екстракт од ванила

Начин на подготовка на колачиња:

Загрејте ја рерната на 170 степени Целзиусови. Во голем сад, со миксер со слабабрзина, измешајте ги путерот и шеќерот додека не се соединат. Потоа зголемете ја брзината и мешајте додека не добиете кремаста смеса.
Додадете ги јајцата и ванилата и миксирајте со слаба брзина на миксерот, а потоа измешајте ги и брашното, шеќерт во прав и солта, додека не се соединат.
Поделете го тестото на 4 дела и секое од нив завиткајте го во пластична фолија, па ставете ги во фрижидер околу 1 час.
На малку набрашнета површина, со набрашнето сукало, растегнете го тестото со дебелина од околу половина сантиметар.
Со калапи во божиќни форми исечете го тестото и формите наредете ги во плех на хартија за печење, со малку простор помеѓу нив.
Печете ги 10-12 минути или додека минимално не добијат благо кафеава боја, извадете ги и оставете да се оладат.

Начин на подготовка на глазурата:

Додека чекате колачињата да се оладат, во меѓувреме, во сад ставете ги белките од јајца и со миксер на слаба јачина мешајте околу 1 минута.
Потоа додадете ги шеќерот и ванилата и продолжете да миксирате на слаба брзина додека не се соединат.
Кога целосно ќе се соедини смесата, зголемете ја брзината на миксерот и мешајте додека не почнат да се оформуваат врвови.
Поделете ја глазурата во повеќе мали садови и во секој од нив додадете различна боја, па префрлете во готварски шприц и декорирајте по желба.