3 предлози за мезе за ненајавени гости (се прават за 20 минути)
Канапеи или фритата и чоколадно колаче што се прави во микробранова за десерт.
Ако ви дојдат ненајавени гости, а не сакате да ги послужите само со грицки, сигурно ќе ви се допаднат нашите предлози.
За рецептите во продолжение главно се користат состојки што сигурно ви се наоѓаат во фрижидерот, па не мора ни да излегувате да купувате нешто.
3 рецепти за брзо мезе:
Канапеи
Нема побрзо мезе од таканаречените канапеи, а можете да ги направите со што било што ви се наоѓа во фрижидерот.
Потребни состојки:
- Кашкавал или сирење (без разлика дали фета, моцарела, ајдамер…)
- Сувомеснато
- Зеленчук (како шери домати, кисели краставички)
- Француски багет
- Намаз (како крем-сирење, хумус…)
Начина а подготовка:
- Исечете го багетот на тенки парчиња.
- Врз секое парче леб ставете од намазот и наредете ги состојките.
- Можете да ставите по една состојка на секое парче, пример само моцарела, или да правите комбинации.
Фритата
Фритатата е вид италијански омлет во кој повторно можете да искористите што било од вашиот фрижидер
Потребни состојки:
- Јајца (по 2 за човек)
- Млеко
- Кашкавал/сирење
- Кромид
- Каков било зеленчук што одговара со омлет - домати, спанаќ, брокула...
Начин на подготовка
- Изматете ги јајцата со малку млеко, како за омлет, па додајте го кашкавалот/сирењето.
- Во тава запржете го кромидот и сите зеленчуци.
- Во тава за печење истурете го зеленчукот и врз него смесата од јајца.
- Печете од 10-15 минути, односно додека јајцата да се зготват.
Колач во шолја од микробранова
За десерт можете да направите брзо колаче кое се приготвува во микробранова печка за помалку од 10 минути.
Потребни состојки:
- 4 лажици брашно
- 3-4 лажици какао
- 2-3 лажици кафеав шеќер
- Малку сол
- 90ml млеко
- 2 лажици сончогледово масло
Начин на подготовка
- Во поголема шолја (безбедна за во микробранова) ставете ги сите суви состојки и измешајте ги.
- Додајте ги млекото и маслото и мешајте додека да добиете хомогена смеса.
- Ставете ја шолјата во микробранова на 1200W, за 1 минута и 40 секунди (ако микробрановата ви е со помала моќност, оставете го подолго).
- Можете да послужите со топка сладолед.
Спирова С. | Црнобело
Би можело да ве интересира:
Препорачуваме
Најчитани неделава
