Кои се придобивките од виралната „ретинол“ салата и како да ја направите?

Виралната ретинол салата е добра за кожата и покрај рецептот што е популарен, можете да додадете и друг зеленчук богат со витамин А и бета-каротен.

Ретинолот е форма на витаминот А и е состојка во многу продукти за убавина, како серуми за лице и лосиони.

Продуктите со ретинол се корисни за проблематична кожа, склона кон акни, а истовремено ги намалуваат и знаците на стареење.

Што е виралната ретинол салата?

Периодов на социјалните мрежи доста популарна е таканаречената ретинол салата за која многу инфлуенсерки тврдат дека им е препорачана и од нутриционист.

Станува збор за салата со состојки кои се богати со бета-каротен - кога внесуваме храна со бета-каротен, телото го претвора во активен витамин А, односно ретинол.

Исто така, салата има и намирници кои веќе се богати со витамин А.

Поради ова, се верува дека редовното консумирање на салатата со вакви намирници може да ја подобри состојбата на кожата, односно да ги намали воспаленијата и да го намали појавувањето на брчки.

Другите состојки во салатата, како маслиново масло и лимонов сок, исто така можат да имаат позитивно влијание врз состојбата на кожата.

Како да ја направите ретинол салатата?

Потребни состојки:

• 5 моркови со средна големина
• 2 чешниња лук
• Малку маслиново масло
• Соја сос
• Сол и бибер
• Малку јаболков оцет
• Сусам
• Сок од половина лимон

Начин ан подготовка:

Во салатата слободно можете да додадете и други намирници богати со витамин А или бета-каротен, како спанаќ, црвени пиперки или сладок компир.

Спирова С. | Црнобело