Вкусен тарт со малини и бело чоколадо
Пролетта носи нови вкусови, па класичните торти и колачи што вообичаено ги подготвувате, заменете ги со крцкав и вкусен тарт со малини и бело чоколадо.
Ако сте љубител на слатки, ви се најавиле гости или децата ви бараат нешто благо, тогаш можете да го подготвите овој десерт.
Самата подготовка е лесна, но ќе треба да бидете трпеливи и да го оставите неколку часа да се стегне пред да го послужите.
Потребни состојки:
За кората:
- 300g мелени бисквити
- 50g шеќер во прав
- 115g несолен путер, растопен
За филот:
- 350g бело чоколадо
- 120ml слатка павлака
- 50g несолен путер
- 250g свежи малини
Начин на подготовка:
- Најпрво измешајте ги мелените бисквити и шеќерот во прав, па додадете го растопениот путер.
- Мешајте додека не добиете компактна смеса, па распоредете ја на дното и на страните на калап за тарт (со дијаметар од 23cm).
- Ставете го во тестото во фрижидер додека го подготвувате филот.
- Искршете го чоколадото на коцки, па ставете го во длабок сад.
- Почнете да го топите во микробранова печка, па кога ќе омекне во истиот сад додадете ги слатката павлака и путерот.
- Повторно вратете го садот во микробранова печка и загревајте ги состојките на интервали од 20-25 секунди, па мешајте, додека целата смеса не се стопи и не се изедначи.
- Извадете го тестото од фрижидерот и врз него наредете ги малините.
- Прелијте ги со смесата од бело чоколадо одозгора.
- Вратете го тартот во фрижидер додека убаво не се стврдне (околу 2 часа или преку ноќ), а дури потоа послужете го.
А. Ј. | Црнобело
Би можело да ве интересира:
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Лесно мезе: Крцкави „такоси“ од модри домати со крем сирење
Нов начин како да направите летно мезе со модри домати, кое е вкусно, а во исто ...
Сочен колач со боровинки и бело чоколадо - десерт на кој нема да му одолеете
Овој колач со боровинки и прелив од бело чоколадо е толку вкусен, што секогаш ко...
Летен чоколаден колач – се прави во тава, нема печење и нема шанси да не ви се погоди
Во летниот период, кога не ви се поминува многу време во кујна – само измешајте ...
Препорачуваме
Најчитани неделава
