Кифлички со маслинки и морков по турски рецепт

Кифлички со маслинки и морков по турски рецепт - ќе ги обожаваат сите

Турските јадења и рецепти се многу прифатени и во нашата кујна, па можеби веќе и сте ги правеле овие кифли со маслинки и морков и кашкавал кој се топли во средината.

kiflichki-so-maslinki-i-morkov-po-turski-recept-kje-gi-obozhavaat-site-01.jpg

Ако сепак не сте ги јаделе, замесете ги уште денес и уживајте во вкусот.

Верувајте, целото семејство ќе ги обожава овие вкусни залчиња.

Потребни состојки:

250g путер на собна температура
100ml растително масло
150ml јогурт
2 јајца (жолчката од едното оставете ја за премачкување)
1,5 лажички сол
1,5 лажици шеќер
2 пакетчиња прашок за пециво
650g брашно
Копар и магдонос по желба
2 средни црвени пиперки
Околу 1/2 шолја маслинки без семки
2 средни моркови
Кашкавал сечен на правоаголници (според бројот на топчиња за кифли ќе ја одредите и количината)

Начин на подготовка:

Ставете ги сите состојки во длабок сад (без зеленчукот) и месете додека не добиете убаво тесто.
Откако тестото ќе биде готово, додадете ги ситно исечканите маслинки, пиперките, морковот (може да биде и рендан на крупно) и магдоносот (плус копарот).
Месете додека состојките не се добро распоредени низ тестото, па поделете го на мали топчиња.
Секое топче сплескајте го со рацете, па ставете парче кашкавал во средината и обликувајте го како во видеото.
Премачкајте ги кифлите до жолчката што ви остана и печете во претходно загреана рерна на 200 степени додека убаво не поруменат.

Видео постапка:

View this post on Instagram

А. Ј. | Црнобело

Би можело да ве интересира:

3 рецепти за лесни и здрави салати, идеални за летните денови Кога не сте расположени за „тешка“ храна, а сепак сакате нешто вкусно што ќе ве ...

Лиснати кроасани со крем од ф’стаци - По првиот залак ќе барате уште Кремот од ф’стаци последниве години се користи во многу различни рецепти, а мног...