Црнобел колач со прелив од чоколадо и лешници - десерт за сечиј вкус
За сите љубители на колачи без филови, овој црнобел колач со чоколаден прелив е вистински погодок.
Убавината на овој рецепт е што се прави едно тесто, кое потоа се дели на два дела, за повторно да се спои во едно пред печењето.
Овој чоколаден колач се подготвува многу брзо и лесно, па можете да го пробате уште денес, особено што сите (или повеќето состојки) сигурно ги имате дома.
Забелешка: Чашите се од 150g.
Потребни состојки:
- 4 јајца
- 100g путер растопен
- 1 чаша гранулиран шеќер + ½ чаша кафеав шеќер (по желба, може да се користи само бел шеќер)
- 200ml неутрална павлака
- 2 чаши просеано брашно
- 1 пакетче прашок за пециво
- 1 пакетче ванила
- ½ лажичка сода бикарбона со неколку капки сок од лимон
- 2 лажици какао
- 75g путер (сечкан на коцки)
За преливот:
- 200g чоколадо, растопено
- Околу ½ чаша сечкани лешници
Начин на подготовка:
- Изматете ги шеќерот и јајцата, па кога ќе се спојат убаво, додадете ги другите состојки - стопениот путер, неутралната павлака, брашното, прашокот за пециво, ванилата и сода бикарбоната со сокот од лимон.
- Убаво мешајте, а потоа поделете ја смесата за колачот на половина.
- Додадете 2 лажици какао во едната половина и убаво измешајте.
- Двете смеси ставете ги во шприц за готвење (или во ќеса) и ставајте ги во силиконски калап за печење како што е прикажано во видеото.
- Најгоре ставете ги парчињата путер, па ставете го колачот да се пече на 160-170 степени Целзиусови околу 40-45 минути.
- Кога колачот ќе биде готов, направете го преливот.
- Стопете го чоколадото на пареа, а во него ставете ги сечканите лешници и со смесата прелијте го колачот.
- Послужете откако чоколадото убаво ќе се стегне.
Видео постапка:
А. Ј. | Црнобело
Би можело да ве интересира:
Колач со лимон и мак - Сочен и вкусен десерт, за целото семејство
Класичниот колач со мак можете да го подготвите во нова, посвежа варијанта - со ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Лесна и вкусна ресана торта - се прави за 10 минути и без печење
Ова е дефинитивно најбрзата торта што ќе ја направи и некој што првпат влегува в...
Вкусно летно рижото, со пилешко и лимон
Дури и храната што ја подготвувате вообичаено може да има поинаков шмек ако малк...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Лиснато со јаболка со цимет - колачи со кои домот ќе замириса на есен
Топол дом, мирис на тазе испечен колач со јаболка и цимет. Има ли нешто што толк...
Препорачуваме
Најчитани неделава
