Направете Нутела колач во чаша

Нутела кремот е нешто што можете да го искористите на милион начини, па затоа ви предлагаме да направите вкусен Нутела колач во чаша.

Потребни состојки за ова мало задоволство:

• 4 лажици шеќер
• 3 лажици какао
• 4 лажици брашно измешано со малку прашок за печиво
• 3 лажици млеко
• 3 лажици масло
• 1 - 2 лажици Нутела
• 1 јајце

Подготовка:

Сите состојки по ред ставете ги во шолја и измешајте ги со виљушка за да добиете мазна смеса. Пресипете ја во голема шолја за чај, ставете ја во рерна или во микробранова печка и печете ја 3 до 5 минути на највисока температура.

По желба украсете со рендано чоколадо, шлаг пена или пак овошје.

Споделете го овој едноставно сладок десерт со вашите најблиски и уживајте!