Брзи рецепти за вкусен оброк во канцеларија

Наместо да се упатите кон најблиската пекара, вреди да посветите малку поголемо внимание на вашата исхрана, пред да стигнете на работното место и да си подготвите вкусни, хранливи оброци од дома.

Да, лиснатите теста делуваат вкусно, но по извесно време потребно ви е освежување. Плус, она што ќе го приготвите точно знаете колку витамини и калории содржи.

Еве неколку лесни, брзи и вкусни предлози што да подготвите уште утре:

Зачинет намаз од сирење

Состојки:

• 250g свежо кравјо сирење
• 150ml кисела павлака
• 1 лажичка сол
• Зачини по желба (кари, бибер, вегета)

Сите овие состојки измешајте ги во еден пластичен сад, а кремот кој ќе го добиете намачкајте го на неколку кришки интегрален леб.

Додајте домати, краставици или листови марула и за помалку од 10 минути имате здрав канцелариски оброк.

Доколку ви остане вишок од солениот крем, слободно можете да го затворите во пластичен сад или тегла и да го користите во следните 5 до 6 дена.

Италијанска салата

Состојки:

• 500g макарони
• 150g моцарела
• 10 мини домати
• 100g црни маслинки
• Сок од половина лимон
• 1 лажица оригано
• Маслиново масло
• Сол

Сварете ги тестенините и посипете ги со маслиново масло. Додајте ги коцките моцарела, половинките мини домати и маслинките без семка.

Помешајте со зачини и лимонов сок и за околу 20тина минути имате свежа и сочна италијанска салата.

Мини мафини со вкус на пица

Состојки:

• 115g брашно
• 3-4 лажици прашок за печиво
• 180ml млеко
• 1 јајце
• 150g сирење или кашкавал по желба (може и мешавина од повеќе видови)
• 120g салама по избор
• Парчиња домат

Сите состојки за тестото измешајте ги и ставете ги во калап за мафини, претходно премачкан со масло.

Калапот наполнете го околу 2/3 и ставете го тестото да се пече 15-18 минути на 200 степени.

Последните неколку минути од печењето проросете го сирењето и кашкавалот, ситно исечканата салама и додадете по едно парче домат за освежителен вкус.