Мали тајни за сочна, првомајска скара

Факт е дека првомајската скара е најмасниот оброк кој ќе го внесете во вас, но вкусот не се споредува со еднонеделната детоксикација која следи.

Ако и вие се одлучивте да се почестите со вкусен и сочен оброк подготвен на скара, постојат неколку трикови кои може да го направат месото уште повкусно.

Вреди да испробате барем една мала тајна и да го споделите резултатот.

1. За месото да биде сочно, а зеленчукот ароматичен, маринирајте го во текот на ноќта во масло, вино, оцет, сол, бибер и уште неколку омилени зачини. Киселините од маринадата го одржуваат месото меко, маслото го чува вкусот, а зачините дополнително го збогатуваат.

2. Ако на скара подготвувате риба, пред печење задолжително премачкајте ја со масло за кожата да остане крцкава. Може да се исечете на неколку места и да ја наполните со рузмарин или мајчина душичка.

3. За ражничи користете помасно месо кое ќе го замотате во сланина или ќе го наполните со зеленчук. Месото нанижете го на гранчиња рузмарин.

4. Пилешките гради исечете ги на дебелина од околу 1 cm, а плескавиците нека не бидат подебели од 2 cm.

5. Совршена температура: Телешкото, пилешкото и рибата секогаш се печат на умерено загреана скара, а не на максимална температура.

6. За сочно месо на парчето месо ставете лажичка путер или маргарин помешан со омилениот зачин.

7. Во маринадата можете да додадете лимон, мед, рен, сенф...

8. Ако сакате да ја разбиете монотонијата од месо, подгответе зеленчук на скара, така што пред печењето ќе го премачкате со масло и ќе го оставите да се пече 10-ина минути.

9. Компирот секогаш печете го во фолија, во близина на месото со најдобар шмек.

Имате ли вие некоја мала тајна за совршено месо на скара? Споделете ја со нас во коментарите.