Испробајте: Поинакви првомајски ражничи

Веруваме дека веќе испланиравте каде, со кој и како ќе го поминете првомајскиот одмор. Меѓутоа, има големи шанси да не одлучивте што ќе јадете.

Доколку ви досади стандардната салата и скарата која секоја година исто се подготвува, а сепак сакате да си подготвите нешто брзо и едноставно, ви предлагаме да „набоцкате“ малку поинакви ражничи.

Вегетаријански ражничи

Состојки:

• Тиквица
• Црвена пиперка
• Жолта пиперка
• Тиква
• Кромид
• Печурки
• Печен компир
• Варени мали домати

Излупете, исчистете и исечкајте на мали парчиња.

За маринирање потребно ви е малку маслиново масло, соја сос, лимонов сок, малку лук, мед и оригано.

Ставете го зеленчукот на стапчиња, истурете ја маринадата врз него, загрејте ја скарата и печете 15 минути од сите старани.

За љубителите на морски плодови

Сотојки:

• 1kg излупени шкампи
• 4 лажички магданос
• Свеж босилек
• Маслиново масло
• 3 лажици сок од свеж портокал или лимон
• Сол, бибер
• Лук по желба

Сите зачини измешајте ги со маслото и сокот, а потоа во смесата валкајте ги шкампите и редете ги на стапче.

Печете на скара 5-6 минути, додека не заруменат.

Слатки ражничи

Состојки:

• Црна чоколада
• Свежи јагоди
• 2 банани

Исечкајте ги јагодите и бананите на кругови и наизменично наредете ги на стапче.

Завиткајте ви во алуминиумска фолија и нарендајте го чоколадото.

Ставете ги на скара додека чоколадото не се сопи, а овошјето не омекне.