Како да направите вкусни ишлери?

Ако сте зависник од благо, а посебно ви се допаѓаат ишлерите, може да ги приготвите во домашна атмосфера и да уживате во нивниот неверојатен вкус.

Потребни состојки

За тесто:

• 140 гр путер
• 200 гр брашно
• 70 гр шеќер во прав
• 1 жолчка
• 3 лажици какао

За крем

• 3 јајца
• 150 гр шеќер
• 100 гр путер
• 1 кесичка ванилин шеќер

Подготовка

Го замесувате тестото со брашно, шеќер, какао и жолчка. Истегнете кора и со помош на калап направете мали крукчиња. Наредете ги во плех, претходно посипен со брашно и оставете да се печат 15 минути на 180 степени.

Во меѓувреме во метален сад заматете ги јајцата, шеќерот и ванилата сè додека не добиете кремаста, еднолична смеса. Варете го кремот околу 15 минути сè додека не стане густ. Кога малку ќе се излади додајте го претходно стопениот путер и мешајте додека кремот убаво се излади.

Колачите премачкајте ги со крем и спојте ги како сендвич. Наредете ги врз решетка и полијте ги со чоколадна глазура.

Одличнен десерт кој нема да ви одземе повеќе од 1 час за подготовка. Може да го комбинирте со чаша вино или турско кафе во друштво на пријателите или семејството.