Џем од кајсии - Брз рецепт кој го обожава секоја палачинка

Вкусниот џем од кајсии е одличен додаток на летни слатки, лесно се мачка на утринското парче леб, а може и да се послужи како прелив на омилениот сладолед.

Затоа, подгответе сочен џем во само 3 чекори и уживајте во вкусот на летото.

Состојки:

• 1,5kg свежи кајсии
• 1kg шеќер
• 200ml сок од јаболка
• 1 поголем лимон
• Парче путер

Подготовка:

1 чекор: Измијте ги кајсиите и исчистете ги семките. Исечкајте ги на парчиња, ставете ги во голем лонец и додајте го сокот. Варете додека смесата не зоврие, а потоа намалете ја температурата и оставете ја смесата уште 10 минути додека кајсиите не омекнат.

2 чекор: Во смесата додајте шеќер и сок од 1 лимон, па промешајте. Оставете да се вари на умерена температура уште 20 минути.

3 чекор: Тргнете го лонецот од оганот, па во жешкиот џем додајте го парчето путер, добро промешајте и оставете ја смесата малку да се олади (10-15 минути.) Така подготвениот џем петурете го во топли тегли, поклопете ги и оставете ги на темно и студено место.