Десерт кој се топи во уста: Највкусниот чоко мус е готов за 5 минути

Ништо нема послатко од чоколадо кое ви се топи во устата. Уште ако е густо и пенливо, никогаш не би можеле да престанете да јадете. Но, секогаш е добро да го имате во близина.

Особено во моменти кога имате силна потреба за благо, чоколадниот мус може да го подготвите за само 5 минути.

Состојки:

• 5 јајца
• 200 g чоколадо за готвење
• 150 g шеќер
• 125 ml слатка павлака
• 2 лажички ванилин шеќер

Подготовка:

Одвојте ги жолчките од белките. Матете ги одвоено, во еден сад белките со 100 g шеќер, а во друг сад, слатката павлака. Во трет сад матете ги жолчките со 50 g шеќер и 1 лажичка ванилин шеќер.

Искршете го чоколадото и стопете го на тивок оган, па измешајте го во кремот кај жолчките.  Добиената смеса измешајте ја со изматената слатка павлака и изматениот шлаг од белки. Вака добиениот чоколаден мус ставете го во сад, нарендајте му чоколадо и оставете го во фрижидер за да се излади.

Не правете голема количина, бидејќи цела ќе ја изедете, а сигурно не сакате да се поправите. Но, никако не избегнувајте да го пробате ова вкусно чоколадно задоволство кое ќе ви се стопи во устата.