Подгответе: Домашен сладолед од диња

Ако ви се досади свежо сечканото овошје, експериментирајте со специфичниот вкус на дињата.

Слатка, лесна за чистење и неверојатно вкусна, сега дињата ќе можете да ја искористите како летно освежување во малку поинаков облик.

За подготовка на сладоледот од диња потребно ви е:

• 300ml слатка павлака
• 175g шеќер
• 1 зрела диња, со средна големина
• Сок од 1 лимон

Подготовка:

1. Во длабок сад помешајте го шеќерот со павлаката и варете додека течноста не зоврие.

2. Исчистете ја дињата од кората и семките, исечкајте ја на ситни парчиња, па ставете ја во блендер заедно со сокот од лимон. Пасирајте додека не добиете мазна смеса.

3. Додајте ја смесата од слатка павлака и шеќер, па измешајте ги сите состојки во блендерот.

4. Мешавината истурете ја во калапи и садови и оставете ја да отстои во замрзнувачот преку ноќ.

Декорирајте и послужете. На здравје!