Најслаткиот појадок готов за 30 минути

Денот можете да го започнете на сладок начин – со комбинација на свежо овошје, снегулки и јаворов сируп.

За овој сочен микс потребно ви е:

• 700g шумско овошје
• 100ml јаворов сируп
• 50g шеќер во прав
• 3 лажици овесни снегулки
• 2 лажици вода
• 1 лажица сок од лимон
• Малку цимет

За тесто:

• 300g овесно брашно
• 1 лажица прашок за печење
• 60g сечкан путер
• 2 лажици млеко
• 2 лажици јаворов сируп
• 1 јајце

Подготовка:

Започнете со мешање на шумското овошје, јаворовиот сируп, шеќерот и малку цимет. Смесата која ќе ја добиете ставете ја во длабок сад и загревајте ја додека не проврие. Варете 3-4 минути, додека не добиете изедначена смеса.

Во друг мал сад промешајте ги овесните снегулки, водата и лимонот, па додајте ги во смесата со овошјето.

Варете додатни 2-3 минути и константно мешајте додека смесата не се згусне.

За подготовка на тестото помешајте го овесното брашно, прашокот за печење и додајте го путерот.

Во трет сад измешајте едно јајце, млеко и јаворов сируп.

Во сад за печење прво истурете го филот, а потоа прекријте го со тестото.

Печете 20 – 25 минути на 185 степени, а потоа прелијте го појадокот со шлаг од јајце, млеко и јаворов сируп.

Појадокот можете да го подготвите од вечер, за следниот ден. Чувајте го во пластични садови, на студено место.