Вкусен џем од сливи со чоколадо и рум кој мора да се проба оваа есен

Сезоната на зимницата веќе започна, па затоа време е домаќинките кои секоја година го спремаат традиционалниот ајвар и лутеница да се потсетат на слатката зимница која не смее да се изостави од нивната листа на залиха за оваа зима.

Џемот направен од сливи и чоколадо е далеку познат по својот сладок вкус и лесна подготовка, но доколку досега го немате подготвувано ова е начинот на кој треба да го сторите тоа:

Состојки:

• 6 kg исчистени сливи
• 5 чоколади по ваш избор
• 2 kg шеќер
• Шишенце рум арома

Подготовка:

Шеќерот се раствора во вода и потоа се додаваат сливите кои претходно треба да ги исчистите од семки и измелете. Оавете ги да се варат и повремено мешајте.

Џемот е готов кога ќе забележите дека сливите се веќе омекнати и распаднати на парчиња.

Во тенџерето додајте ги чоколадите искршени на парчиња и варете уште малку. Тргнете го слаткиот џем од оган и додадете го шишенцето рум.

Сипете го џемот во суви и загреани тегли.

Вашата слатка зимница е готова!

Иако оваа подготовка не одзема многу од вашето време и пари, цела зима ќе уживате во вкусот на овој џем со чоколадо и рум кој сигурно ќе му се допадне и на вашето семејство.

На здравје!