Кој би одолеал: Совршен десерт готов за 6 минути

Во деновите кога имате потреба од нешто слатко, брзо и неодоливо, ви предлагаме да ја испробате оваа комбинација од вкусови.

Вкусот на путерот од кикирики е неодолив, одличен како додаток на разни колачиња, а ова е една негова најбрза варијанта финиширана со темно чоколадо.

Потребни состојки за подготовка:

• 1 шолја истопен путер
• 2 шолји мелени бисквити
• 2 шолји шеќер
• 1 шолја и 4 лажици путер од кикирики
• 1 ½ чоколадо на парчиња

Подготовка:

Во длабок сад помешајте го истопениот путер со мелените бисквити и шеќерот додека состојките не се соединат.

Додајте 1 шолја путер од кикирики и мешајте додека не добиете еднолична смеса.

Растопете го чоколадото и додадете ги 4-те преостанати лажици путер од кикирики.

Смесата од бисквити ставете ја во тава и израмнете ја. Прелијте го растопеното чоколадо и добро измазнете.

Оставете го колачот да отстои 1-2 часа во ладилник или половина час во замрзнувач, па исечете го на коцки.

Послужете и уживајте!