Топли и вкусни домашни кифли во 5 чекори

Нема некој што не ги обожава малите меки и топли кифлички. Најчесто се прават за слави и празници, но секогаш се добредојдени на трпезата. Иако ви се чинат дека треба посебна мајсторија, сепак може да ги направите и со 5 едноставни чекори.

Потребни состојки:

• 1 kg брашно
• Мала лажичка сол
• 7 dl млеко
• 2 dl масло
• 1 свеж квасец
• Жолчка за премачкување
• Сусам

Подготовка во 5 чекори:

1. Од брашното, солта, стасаниот квасец и млекото замесете со раце тесто додека не биде изедначено. Потоа додајте масло и повторно замесете го тестото, па оставете го да порасне.

2. Од тестото направете 8 топчиња и секое развлечете го и поделете го на 8 делови.

3. Замотувајте ги кифлите од поголемата страна кон помалата.

4. Наредете ги во плех премачкан со масло или путер. Откако ќе ги подредите премачкајте ги со жолчката и посипете ги со сусам.

5. Печете ги на 200 степени додека не заруменат, околу 20-25 минути!

Може да ги комбинирате со разни додатоци или да ги јадете само нив.