Брзо викенд мезе: Солени ролни од палачинки

Палачинките се едни од наједноставните, но и омилени јадења. Секогаш може да ги декорирате и филувате по желба, а може да ги послужите во секоја прилика.

Благи со чоколаден крем, банани, мед, ореви или шлаг и солени со сирење, кашкавал, пица комбинација и уште многу различни идеи.

Но, може и да искористете еден понеобичен рецепт за да направите вкусно викенд мезе со пријателите.

Потребни состојки:

• 2 црвени пиперки
• 6 јајца
• 500 ml млеко
• 150 g брашно
• 4 лажички масло
• 4 лажички путер
• 150 g исечкана шунка на резанки
• 150 g  сирење исечено на резанки
• Сол и бибер
• Салата за гарнир

Подготовка:

Пресечете ја пиперката на пола, извадете ги семките, па исечете ја на ленти.

Јајцата изматете ги со млекото. Додајте го брашното, посолете и додајте малку бибер.

Во еден сад загревајте по една лажичка од путерот и маслото.

Од четвртина од тестото направете палачинки.

Рерната загрејте ја на 200 степени.

Кога ќе ги испечете, врз нив ставете четвртина од шунката и сирењето. Додајте четвртина од исечканата пиперка и тенко исечените резанки сирење. Замотајте ги и ставете ги во огноотпорен сад.

Ставете го садот со палачинки во загреаната рерна и печете ги ролните од палачинки околу 5 минути.

Извадете ги ролните палачинки од садот и исечете ги на подебели резанки од околу 3 cm и наредете ги на загреана чинија за подолго да останат топли.

Декорирајте ги со листовите зелена салата.