Готов за 5 минути: Чоколаден колач без печење

Ако ви се смачи од печењето и експериментирањето во кујна, а ви се јаде нешто слатко и чоколадно, ви предлагаме да го пробате ова 5-минутно задоволство.

Потребни состојки:

• Путер за подмачкување
• 230g темно чоколадо
• 230g слатка павлака
• ¼ лажичка сол
• Какао

Подготовка:

Земете тесен калап за печење ролати, премачкајте го со путер, па покријте го со хартија за печење.

Растопете го чоколадото на тивок оган.

Во друг сад загрејте ја павлаката, но не смее да зоврие. Тргнете ја и додајте малку сол.

Промешајте ги двете смеси додека не добиете соединета смеса.

Густата смеса ставете ја во премачканиот калап, покријте со пластична фолија и добро оладете го колачот. Најдобро е да го оставите да отстои неколку часа во замрзнувач.

Извадете го неколку минути пред послужување, превртете го и посипете го со какао.

Изненадете ги најблиските и уживајте заедно!