Подгответе: Сочна чоколадна торта

За сите вљубеници во чоколадото, а и за оние кои мислат дека можат да одолеат, оваа торта ќе сакате да ја изедете цела.

Вкусна, сочна, чоколадна и неодолива. Сигурно можете да одвоите малку време и да ја подготвите само за вас или и за вашите пријатели.

Потребни состојки:

Тесто:

• 220 g брашно
• 400 g шеќер
• 80 g какао
• 2 лажички прашок за печиво
• 220 g путер
• 250 ml кафе

Фил:

• 250 g шеќер
• 400 ml павлака за готвење
• 300 ml млеко
• 200 g чоколадо со 70 % какао
• 35 g густин

Подготовка:

Во еден сад сипете го брашното за тесто, какаото, сода бикарбоната и прашокот за печиво. Додајте го стопениот путер, шеќерот и кафето, па изматете го добро. Печете во рерна загреана на 180 степени околу 1 час. Оставете да се излади.

За филот, на тивок оган ставете ја павлаката за готвење, шеќерот, млекото и густинот. Додајте го чоколадото и мешајте додека се згусне. Оставете го филот да се излади, па ставете го во фрижидер за да се стегне.

Пандишпанот од тесто преполовете го и премачкајте ја едната половина со филот. Одозгора ставете ја втората половина и целата торта премачкајте ја со останатиот фил.

Нема да успеете да издржите, а да не ја пробате веднаш!