Фит рецепт: Подгответе протеински чизкејк

Чизкејкот е еден од најпопуларните колачи во светот. Но, покрај оној со шлаг и прелив, добро е да пробате и еден поинаков, полесен и многу поздрав.

Вкусен оброк, совршен за после тренинг. Протеините кои ги содржи овој чизкејк ќе ви помогне во обновата и одржувањето на мускулната маса.

Потребни состојки:

• 340 g крем сирење (со најниска масленост)
• 280 g цврст јогурт
• 2 јајца
• 1-2 лажички стевија
• ¼ филџан млеко
• 45 g протеински прашок
• 1 лажичка екстракт од ванила
• Малку сол

Подготовка:

Загрејте ја рерната на 180 степени. Во голема чинија изгмечете го кремастото сирење, додајте ги јајцата и стевијата, па сето тоа измешајте го со миксер. Додадете ги останатите состојки и мешајте уште 2-3 минути.

Плехот обложете го со хартија за печење, па сипете ја смесата. Печете на 180 степени околу 25 минути, а потоа намалете ја температурата на 150 степени и печете уште 1 час.

Готовиот чизкејк ставете го во фрижидер околу 4-5 часа, а потоа може да го украсите или прелиете со темно чоколадо.