За мрзливите домаќинки: Брз и вкусен колач што се топи во уста

Ако сакате едноставен и брз колач за кој нема да треба да печете неколку видови тесто и за кој ќе имате време да правите паузи додека го подготвувате, тогаш ова е совршен рецепт.

Се прави во неколку етапи и совршен е за помрзливите домаќинки кои сакаат да ги изненадат домашните со вкусен колач кој се топи во устата.

Состојки:

• 150 g маргарин
• 250 g шеќер
• 4 жолчки
• 250 g брашно
• 1 прашок за печиво
• 100 g ореви, бадеми или лешници
• 2-3 штангли чоколадо
• 2 dl млеко

Подготовка:

Измешајте го маргаринот со шеќерот, додајте ги жолчките, измелените ореви, лешници или бадеми, кои претходно може малку да ги потпечете, и сите останати состојки. Печете 40 минути на 180˚C.

За тоа време малку одморете, па на страна изматете 4 белки додека не добиете густа смеса како шлаг во кој ќе додадете 200 g растопен шеќер со  ½ кафена лажица вода, на тивок оган, додека малку не испари. Смесата од шлагот и шеќерот размачкајте ја на колачот кој ќе го извадите од рерната.

На крај прелијте го одозгора со чоколадна глазура која ќе ја направите од 3 лажици вода, 3 лажици шеќер, 100 g чоколадо и 80 g масло.

Оставете го да се излади во фрижидер, а потоа уживајте во секое залче кое ќе ви се топи во устата.