Вкусно и празнично: Сладок божиќен леб

Слаткиот божиќен леб е германска традиција и е дефинитивно едно слатко задоволство кое вреди да го додадете на празничната трпеза.

Божиќниот леб можете да го искористите и како оригинален подарок за другите луѓе, односно можете да го исечкате на парчиња и да го замотате во целофан, а на крај заврзете го со убава машна.

Потребни состојки за 3 божиќни лепчиња со средна големина:

• 800g брашно
• 250g путер (претходно стопен)
• 200g шеќер
• 1 кафена лажичка сол
• 2 кесички сув квасец
• 400ml павлака
• 3 јајца
• 1dl топло млеко
• 100g грозје
• 100g суви кајсии
• 100g суви брусници
• 100g исушена кора од портокал
• 100g ситно сечкани бадеми

Сос за сувото овошје:

• 2dl млеко
• 3 супени лажици рум

За премачкување:

• 50g путер
• 100g шеќер во прав

Начин на подготовка:

1. Најпрво исечкајте го сувото овошје кое не е доволно ситно, па потопете го во млекото со рум и оставете го најмалку 20 минути да омекне.

2. Помешајте ги брашното, шеќерот, солта, бадемите и квасецот. Во средината додајте ги јајцата, путерот, павлаката и млекото. Потоа со помош на миксер мешајте додека смесата не се соедини. Продолжете со помош на рацете и замесете ја мешавината уште неколку минути. Покријте го садот и оставете го да постои 30 минути на топло.

3. Откако тестото малку ќе се крене, со помош на прстите направете дупка во средината и додајте го овошјето кое претходно го омекнавте во млекото и румот. Потоа енергично мешајте го тестото, додека да постане меко.

4. Смесата поделете ја на 3 еднакви дела, а секој од нив развлечете го во долгнавест облик од 1,5cm. Потоа во средината направете простор и преклопете го тестото, но не до крај.

5. Тестото ставете го рерна на 160 степени и на околу 50 минути, а на над топлиот леб ставете шеќер во прав. Оставете го да се излади и замотајте го во проѕирна фолија, а по потреба вадете го и сечкајте од него.

Не заборавајте да споделите како ви се допадна!