Крем пита која се топи во уста

Сигурно кога и да отидевте кај вашата баба ве пречекуваше вкусна и кремаста пита која буквално се топеше во устата.

Ако не успеавте да го пронајдете рецептот за истата, испробајте го следниов, сигурно ќе го добиете тој вкус од детството.

Состојки:

За кора

• 6 жолчки
• 1 цело јајце
• 8 лажици шеќер
• 8 лажици масло
• 8 лажици ладна вода
• 8 лажици брашно

За крем

• 1 литар вода
• 4 пудинзи
• 17 лажици шеќер
• 6 белки

Подготовка:

Првите состојки измешајте ги и испечете 2 тенки кори.

Кремот подгответе го така што во 1 литар вода ќе ги сварите 4-те пудинзи со 5 лажици шеќер.

Изматете ги 6-те белки со 12 лажици шеќер, па дел по дел додавајте ги во пудингот и мешајте.

На една кора премачкајте го добиениот крем, а другата кора ставете ја врз кремот.

Декорирајте со шлаг, шеќер во прав или џем по желба.