Како да направите Мики Маус палачинки за 1 минута? (видео)

Родителите често имаат проблем да ги натераат децата да јадат, па мора да измислуваат најразлични идеи само за да ги убедат.

Иако палачинките се едни од омилените јадења на децата и ретко кој може да ги одбие, сепак, може да се послужите со супер идеја со која уште повеќе ќе го израдувате вашето дете или пријателите.

Потребни состојки:

• 200 g брашно
• 300 ml млеко
• 1 печиво
• 1 јајце
• 1 лажица шеќер
• 1 лажица какао

Подготовка:

Сите состојки, освен какаото ставете ги во еден сад и матете со жица за матење, а може и со миксер на помала брзина.

Откако ќе добиете еднолична смеса половина сипете ја во шприц за готвење со поголем отвор, а во втората половина од смесата додадете ја лажицата какао и продолжете да мешате. Штом ја добиете чоколадната смеса, сипете ја во друг шприц за готвење.

На шпоретот ставете тефлонско тавче за палачинки, премачкано со малку масло и со кафеавиот шприц исцртајте го обликот на Мики Маус (главата, ушите, очите и устата), а со белиот шприц пополнете ги празнините.

За помалку од минута палачинката ќе биде готова, а штом ќе ја завртите ќе го видите Мики Маус како од цртаните.

Ниедно дете не може да одолее на ваков појадок: