Пробајте: Експрес торта без печење

Секој кој ќе ја проба ќе ужива во мешавината на бисквити, пудинг и овошје, а оној кој ќе ја подготви ќе изгледа како врвен готвач, а потрошил само 15 минути во кујна.

По сè изгледа, вреди да ја направите и споделите уште денес.

Потребни состојки:

• 1 пакетче бисквити
• 2 пудинзи од ванила
• 1l млеко + 100ml за бисквитите
• 6-8 лажици шеќер
• 1 kg банани
• 1/3 лимон

Подготовка:

Сварете ги пудинзите со млекото и 6-8 лажици шеќер. Кога пудингот ќе се свари, оставете го да се излади и да се згусне.

Кексите потопувајте ги во млеко за да омекнат и наредете ги на чинија или тава. По првиот слој, прелијте пудинг, па наредете кругови банана.

Важно е бананата претходно да ја исечете и круговите да ги потопите во сокот од лимонот.

Запазете го редоследот бисквити - пудинг - банани додека не го потрошите материјалот.

Завршете со ред бисквити, па по желба декорирајте со шлаг пена и рендано бело чоколадо.

Послужете ја тортата студена, со некој вкусен пијалак.