Рецепт на денот: Топол, полнет сендвич

За појадок или вечера, овој топол сендвич може да го подготвуваат и почетници во кујната. Кога ќе разберете за колку едноставен рецепт се работи, нема да му одолеете, а да не истрчате во кујна и да го пробате.

Количината на состојките варира по желба и вкус.

Основниот рецепт за подготовка на еден сендвич е следниов:

• 1 земичка или лепче за хамбургер
• 2-3 парчиња салама по избор
• 1 јајце
• Малку рендан кашкавал
• Зачини по желба

Подготовка:

За почеток, пресечете го врвот на лепчето, а долниот дел издлабете го.

Наполнете го со салама, истурете го јајцето и додадете го изренданиот кашкавал.

Поклопете го лепчето, завиткајте го во фолија и печете на 180 степени 10 до 15 минути.

Послужете и јадете додека лепчето е топло.