Десерт на денот: Сникерс торта без печење

Торта која се подготвува многу брзо, а познатата комбинација на чоколадо и кикирики е фантастична.

После овој рецепт и слики подгответе се за „морам да ја пробам уште денес!“

Потребни состојки:

• 300g мелени кикирики
• 300g мелени бисквити
• 200-250g путер
• 250g шеќер во прав
• 1 кесичка ванилин шеќер
• 2 јајца
• 200g сечкани кикирики

Чоколаден прелив:

• 2 шолји млеко
• 5 лажици шеќер
• 3 лажици какао
• 100g чоколадо за готвење
• 1 лажица маргарин

Подготовка:

Мелените бисквити добро измешајте ги со кикириките. Путерот и шеќерот во прав добро сматете ги додека не добиете еднолична смеса, па додајте го ванилиниот шеќер и јајцата. Изматете додека не добиете крем.

Со кремот и мешавината од кекс и кикирики замесете тесто. Обликувајте го во тава која претходно ќе ја покриете со хартија или ќе ја премачкате со маргарин и израмнете.

На површината на тортата наредете ги сечканите кикирики.

Подгответе го чоколадниот прелив така што во едно тенџере ќе го ставите млекото заедно со шеќерот, маргаринот и какаото, па ќе ги стопите на оган. Малку подоцна додајте го и чоколадото. Почекајте да зоврие и да се формира чоколаден сируп.

Прелијте ја тортата со чоколадото, па оставете ја неколку часа во фрижидер. Можете да ја украсите со уште кикирики, по желба.

Напомена: Чоколадниот прелив не е глазура, туку прелив, затоа не очекувајте целосно да се стегне.