Брзо, евтино, вкусно: Чоколаден колач само од 2 состојки

Нема нешто што може побрзо да ја задоволи желбата за благо од овој мек и вкусен чоколаден колач. Дури и ако не сте по готвењето, овој рецепт ќе сакате да го подготвувате секој ден бидејќи е многу лесен, брз и евтин.

Доволни ви се само 2 состојки и имате чоколаден колач за целото семејство, па и за пријателите.

Потребни состојки:

• 4 јајца
• 240g чоколадо

Подготовка:

Рерната загрејте ја на 170 степени. Премачкајте го плехот за печење со масло. Јајцата нека бидат на собна температура. Одвојте ги жолчките од белките, а чоколадото исечкајте го.

Коцките чоколадо потоа стопете ги на пареа. Белките изматете ги со миксер за да добиете цврст шлаг. Помешајте ја стопената чоколада и жолчките. Смесата со чоколадо додајте ја внимателно во едната половина од шлагот и полека мешајте. Постепено додавајте го и остатокот од шлагот и внимателно мешајте за да не ви спаднат белките.

На крај, целата смеса сипете ја во калапот или плехот за печење, подудрете го од масата за да излезат меурчињата и ставете го да се пече 30-40 минути.

Со чепкалка за заби проверете дали е печен. Кога ќе се излади извадете го до плехот, исечете го на коцки и послужете го со вкусно кафе.