Експрес ролат без печење: Банани во кокос

Ако сте во потрага по брз и ладен десерт кој ќе ви се најде во топлите денови, тогаш го најдовте решението - банани во кокос.

Вкусот е егзотичен и незаборавен, па веруваме дека откако еднаш ќе го пробате овој ролат ќе стане вашиот омилен десерт.

Потребни ви се само 10 минути и следниве состојки:

За ролат со средна големина

• 1 банана
• 1 мала хопла за колачи
• 1 пакетче кокос (100g)

Подготовка:

Изматете ја хоплата во шлаг, а по желба може да додадете и шлаг пена во прав. Во шлагот истурете 2/3 од кокосот и мешајте со лажица додека не добиете малку погуста смеса.

Излупете ја бананата, ставете ја на тава со мрсна хартија или пластична фолија и премачкајте ја со смесата од шлаг и кокос.

Преостанатата 1/3 кокос истурете ја врз неа и оставете добро да се излади.

По желба, додадете топено чоколадо одозгора.

Сечете парчиња и послужете после кафе или ручек.