Брз оброк: Вкусна салата со врат и сирење

Како што се покачуваат температурите, така нас ни се намалува апетитот на топло, бидејќи едноставно организмот си бара лесна и брза храна која лесно ќе се справи со жешкото.

Ви предлагаме денес за ручек или вечера која сигурно ќе ве засити, да ја подготвите оваа вкусна салата со врат и сирење која ќе биде готова за 15 минути.

Потребни состојки:

• 300 грама свински врат
• 250 грама сусам
• 1 павлака
• 2 кесички мајонез
• 150 грама рендано сирење
• 1 чешне лук
• 2 варени компири

Начин на подготовка:

Сусамот се пржи на тивок оган сè додека не пожолти. Кога ќе се олади му се додава сечканиот врат, ренданото сирење, павлака, мајонез, сечкан лук и убаво се промешува. Варените компири се сечкаат на коцки и се додаваат во мешавината.

На крај по желба зачинувате со магдонос и си уживате со кригла ладно пиво!