Без печење: Торта со три вида чоколадо
За сите зависници од чоколадо имаме еден рецепт кој ќе ве натера да истрчате во кујна и да го пробате веднаш. Не треба да го печете, па затоа е идеален за сите прослави кои следуваат во топлите денови.
Потребни состојки:
- 600ml слатка павлака
- 150g темно чоколадо
- 200g бело чоколадо
- 200g млечна чоколадо
- 1 шолја дробени бисквити
- 3 лажички путер
Подготовка:
Растопете го темното чоколадо и во неа додадете 200ml слатка павлака. Оставете ја фрижидер околу 1 час за да се зацврсти смесата.
Во друга тава растопете го белото чоколадо со 200ml слатка павлака и неа ставете ја фрижидер.
Постапката повторете ја и со млечното чоколадо.
Во меѓувреме додека чекате да се зацврстат чоколадите, во тава припремете ја подлогата за тортата. Измешајте ги путерот и бисквитите и убаво пополнете ја целата површина на тавата. Откако ќе завршите со приготвувањето на подлогата, наредете го секој фил посебно.
По желба можете да додадете и шлаг и чоколадни трошки или некое овошје.
Би можело да ве интересира:
Препорачуваме
Најчитани неделава
